” വാദെദെല്‍മീനോ ” ശുശ്രുഷ ഷാർജ സെന്റ് ഗ്രീഗോറിയോസ് ഓർത്തഡോൿസ് ദേവാലയത്തിൽ നടത്തപ്പെട്ടു. ഡോ.ഗീവർഗീസ് മാർ യൂലിയോസ്‌ മുഖ്യ കാർമ്മികത്വം വഹിച്ചു ” വാദെദെല്‍മീനോ ” എന്ന വാക്കിന്റെ അർത്ഥം ‘ തുറമുഖത്തിന്റെ പ്രവേശനസ്ഥലം’ എന്നാണ് . ഉയിര്‍പ്പാകുന്ന തുറമുഖത്തേക്ക് ബുദ്ധിമതികളായ കന്യകമാരെ പോലെ ദീപേഷ്ട്ടികള്‍ തെളിയിച്ചു കൊണ്ട് പ്രവേശിക്കണം എന്നാണ് ഈ ശുശ്രൂഷ കൊണ്ട് ഉദ്ദേശിക്കുന്നത് കഷ്ടാനുഭവ ആഴ്ചയിലെ തിങ്കളാഴ്ച സന്ധ്യാ നമസ്കാരത്തിനും രാത്രിയുടെ രണ്ടാം കൌമാക്ക് ശേഷം കാർമ്മികൻ അംശവസ്ത്രം ധരിച്ചു ശുശ്രൂഷ ആരംഭിച്ചു. ശുശ്രൂഷ മദ്ധ്യേ എവന്‍ഗേലിയോനു മുമ്പായി വിശ്വാസികള്‍ മെഴുകുതിരികള്‍ കത്തിച്ചു പിടിച്ചു പ്രദക്ഷിണമായി പള്ളിയുടെ പടിഞ്ഞാറേ വാതില്‍ക്കല്‍ എത്തി അവിടെ കാർമ്മികൻഎവന്‍ഗേലിയോന്‍ വായിച്ചു. തുടര്‍ന്ന് വാതില്‍ തുറന്നു അകത്തു കടന്നു ഹൂത്തോമ്മയോടുകൂടി ” വാദെദെല്‍മീനോ ” ശുശ്രുഷ അവസാനിപ്പിക്കുകയും ചെയ്തു . ഇടവക വികാരി ഫാ.അജി കെ ചാക്കോ , സഹ വികാരി ഫാ ജോൺ കെ.ജേക്കബ്, ഫാ കെ.ജെ ജേക്കബ് ,ഫാ ജോമി വർഗീസ് ജോർജ് എന്നിവർ സഹകാർമികത്വം വഹിച്ചു.
